✍ लेखनाथ सिकारू

असार १ – काभ्रेपलाञ्चोकप्रगतिशील लेखक संघ (प्रलेस) काभ्रेको नियमित दशौं काव्य वाचन श्रृंखला शनिबार काभ्रेको बनेपामा सम्पन्न भएको छ। साहित्य, समिक्षा र स्रष्टा सम्मानको संयोजनसहितको कार्यक्रमले स्थानीय साहित्यानुरागीहरूलाई आकर्षित गरेको थियो।

कार्यक्रममा प्रलेसका केन्द्रीय उपाध्यक्ष समीर सिंह प्रमुख अतिथि रहनु भयो। कार्यक्रममा कृति समिक्षा, स्रष्टा विशेष, र कविता वाचन गरी तीन प्रमुख विधामा साहित्यिक प्रस्तुति दिइयो।

यस श्रृंखलामा बाल नाटककार भवानी पाण्डे द्वारा लिखित “हाम्रो बाल क्लब” माथि समिक्षा प्रस्तुत गरियो। समिक्षात्मक टिप्पणी साहित्यकार रामसुन्दर पण्डितले गर्नुभयो। स्रष्टा विशेष अन्तर्गत कवि यदुनाथ देउपुरेका पाँच उत्कृष्ट रचनाहरू प्रस्तुत गरिए, जसमा “के लेखौं कविता”, “माघ १६ पर्खनु”, “कृष्ण सेनलाई लालसलाम”, “लास कुरिरहेछु” र “कारखाना खोलौं” शीर्षकका कविताहरू समावेश थिए।

**प्रलेस काभ्रेका अध्यक्ष कान्छामान लामा ‘रक्तिम’**को अध्यक्षतामा सम्पन्न कार्यक्रमका विशेष सहभागीहरूमा प्रलेस केन्द्रीय पार्षद ध्रुव रायमाझी, रुपिका लेखक केशव घिमिरे, वर्तमान कविता समूहका अध्यक्ष कवि विश्व सिग्देल, वरिष्ठ कवि तथा गुरु केशव ज्ञवाली लगायत थुप्रै साहित्यकर्मीहरूको उल्लेखनीय उपस्थिति रहेको थियो।

कार्यक्रममा निम्न कविहरूले आ–आफ्ना रचना वाचन गरेका थिए:
विश्व सिग्देल, नवराज उत्साही, मुरहरी रायमाझी, बलराम विष्ट, संजय सोति, केशव घिमिरे, घायल योद्धा नवराज, केशव राज पौडेल, अनामिका सजल, रक्तिम लामा, भवानी पाण्डे, यदुनाथ देउपुरे, ध्रुव रायमाझी, समीर सिंह, सरस्वती चिमौरिया, राधिका घिमिरे, हरिप्रसाद चौलागाईं, केशव ज्ञवाली ‘आगत’, शारदा नेपाल, र दिनेश खरेल।

कार्यक्रमले साहित्यिक चेतना अभिवृद्धिमा योगदान पुगेको भन्दै सहभागीहरूले नियमितता कायम राख्नुपर्नेमा जोड दिएका थिए।